Република Македонија има енергетска зависност од 47,9 отсто од вкупните потреби на населението, а земјата произведува 1,4 милиони Мтое (енергија пресметана според еквивалент на милион тони нафта), од кои 77,9 проценти од цврсти горива (јаглен и дрво), а 22,1 отсто од обновливи извори.
Како што јавува дописникот на МИА од Брисел, ова го покажуваат последните податоци на Европската канцеларија за статистика (Евростат) за производство и потрошувачка на енергија за 2013 година.
Според овие податоци, севкупната енергетска поторшувачка во Македонија во 90тите години на минатиот век била 2,4 Мтое, а во 2013 година била 2,7 Мтое со тоа што има потреба да увезува 47,9 проценти од потребната енергија.
Во споредвба со Еворпската унија, Македонија е на речиси идентично ниво, бидејќи во просек земјитечленки на Унијата се зависни за 53,2 проценти од увоз на енергенси (најголем дел од Руската Федерација). Притоа, од самите ЕУземји, најзависна од увоз на енергија е Малта (104,1 проценти), а најмалку зависна е Данска (12,3 отсто).
Со 135 Мтое или 17 отсто од целосното производство на енергија, Франција е земја што е најголем производител на енергија во рамки на ЕУ за 2013 година, пред Германија (121 Мтое 15%), Велика Британија (110 Мтое 14%) и Холандија и Полска (71 Мтое 9%). Во овој дел, Македонија произведува 1,4 Мтое (енергија пресметана според еквивалент на милион тони нафта), од кои 77.9 проценти се произведува од цврсти горива (јаглен и дрво), а останатите 22,1 отсто од обновливи извори на енергија.