Поранешниот играч на Металург, Дејан Манасков кариерата ќе ја продолжи во германската Бундеслига, во тимот на Вецлар.
Левото крило, со деветтопласираниот тим во германското првенство потпишал договор до крајот на сезоната.
„Потпишав за Вецлар до крајот на сезоната, веќе сум во Германија и од утре започнувам со тренинзи“, ја пренесува изјавата на Манасков интернет страницата на весникот „Македонски спорт“.
Најголема ѕвезда на Вецлар е Ивано Балиќ, а во тимот настапува и поранешниот играч на Металург, Владан Липовина.
Покрај Манасков во Бундеслигата до крајот на сезоната ќе настапува и Филип Миркуловски кој се пресели во Хановер.