Синџирот продавници за електроника „RadioShack“ поднесе документи за стечај во четвртокот. Од компанијата изјавија дека склучиле договор да продадат до 2.400 од своите продавници на партнер на хеџ фондот „Standard General“, кој е нивен кредитор и главен акционер, пишува „Ројтерс“.
Бежичниот оператор „Sprint“ ќе преземе до 1.750 од овие продавници според условот со „Standard General“, објавија од „Sprint“.
Стечајот на „RadioShack“ се очекуваше веќе неколку месеци. Тој доаѓа по 11 последователни квартали на загуба, бидејќи компанијата не успеа да стане место за купувачите на мобилни телефони. Но договорот за продажба со „Standard General“ би можел да им ја спаси судбината на многу други продавници од ликвидација.
„RadioShack“ изјави дека партнерот на „Standard General“, „General Wireless“, ќе се здобие со помеѓу 1.500 и 2.400 од вкупно 4.100-те продавници.
„Sprint“ би можел да заземе една третина од сите продавници на „RadioShack“, продавајќи „мобилни уреди од портфолиото на брендот „Sprint“, како и производи на „RadioShack“, услуги и додатоци“, изјавија од „Sprint“.
Други потенцијални купувачи исто така ќе имаат можност да конкурираат за средствата на компанијата. Секоја една трансакција мора да биде одобрена од судот.
