Словенечката компанија „Gorenje“ минатата година оствари приход од 1,24 милијарди евра, добивка пред оданочување (EBIT) од 40 милиони евра и нето добивка од околу 100.000 евра.
Иако тоа е значително подобро отколку во 2013 година, очекувањата сепак не се исполнети поради падот на продажбата на рускиот и украинскиот пазар во последниот квартал минатата година, велат од компанијата.
„Бизнисот го обележаа сложените и неизвесни прилики во Украина и Русија, а во последниот квартал и падот на продажбата со депресијацијата на руската рубља“, објави „Gorenje“, со оценка дека приликите на тие пазари ќе влијаат на деловните резултати и оваа година.
Поради таквите деловни околности, во бизнис планот на „Gorenje“ за оваа година е предвиден приход од 1,22 милијарди евра или 20 милиони евра помалку отколку лани.
Планирано е намалување на приходите, главно предизвикано од очекуваните намалувања на растот на продажбата на рускиот пазар, што ќе се случи за прв пат по десет години последователен раст.
