„Qatar Airways“ купи речиси 10 проценти од акциите на Меѓународната групација на авиопревозници „IAG“, матична компанија на „British Airways“ и шпанската „Iberia“.
Во соопштението на авиокомпанијата се наведува дека купувањето на 9,99 проценти од акциите на „IAG“ е дел од напорите да се унапреди соработката и да се зајакат постоечките деловни врски со европската компанија, пренесува агенцијата АП.
„Qatar Airways“ забрзано се шири во последната година и превезува се поголем број на меѓународни патници.
