Со еден едноставен потег можете да направите вашиот „Android“ телефон да работи побрзо – исклучете ги анимациите.
Се што треба да направите е да влезете во опциите за програмери. „Developer options“ се наоѓаат внатре во менито „Settings“ во секцијата „About device“.
Кај некои телефони оваа опција е сокриена, па така ќе морате седум пати да го притиснете полето „Build number“ внатре во менито „About device“. Тогаш ќе ја имате активирано опцијата за програмери.
Отворете го ова мени и лоцирајте ги „Windows animation scale“, „Transition animation scale“ и „Animator duration scale“. Кога ќе ги пронајдете, се што треба да сторите е да ги исклучите.
Покрај малиот број на анимации кои мора да се вршат, вашиот телефон ќе биде ослободен и ќе работи побрзо во транзициите меѓу прозорците.
