„Mitsubishi“ можеби нема да произведува лимузина во соработка со групацијата „Renault-Nissan“, но оваа компанија веќе работи на новата генерација на модели со хибриден погон.
Јапонскиот производител соопшти дека на претстојниот авто-саем во Женева ќе биде претставен новиот концепт со „Plug-In“ хибриден погон.
Како што велат во компанијата, станува збор за возило кое обезбедува увид во дизајнот на идните продукциски модели, а зголемената силуета укажува дека станува збор за кросовер.
Иако за погон е употребен хибриден систем кој има намалено негативно влијание на околината, „Mitsubishi“ тврди дека автомобилот ја задржал динамичноста и агилноста во возењето.
Првите фотографии не откриваат многу, но може да се претпостави дека новиот кросовер на „Mitsubishi“ претставува натамошна разработка на концептот „XR-PHEV“ од 2013-та година.
Повеќе детали за овој концепт ќе бидат познати по премиерата, која треба да се одржи на почетокот на март во Женева.