Најпознатиот интернет пират и „холивудски негативец“, Ким Дотком, го претстави „MegaChat“ – видео повик кој е базиран на „end-to-end“ енкрипцијата и се интегрира во интернет прелистувачите „Chrome“ и „Firefox“.
Контроверзниот интернет пират најави дека следуваат опции за „четување“ и видео конференција, а дека во текот на само првите неколку часа преку „MegaChat“ биле реализирани половина милион видео повици.
„MegaChat“ се користи бесплатно, но мора да се има и „MEGA“ профил, кој овозможува безбеден трансфер на податоци од „MEGA Cloud“ преку видео повиците. Засега „MEGA“ услугите ги користат 15 милиони корисници, а според предвидувањето на Ким Дотком до крајот на 2015-та, бројот на корисници ќе се зголеми на преку 100 милиони!
Услугата „MegaChat“ пораталите како што се „Engadget“, „The Verge“, „Mashable“, „TechCrunch“, „The Next Web“, „BBC“ и другите ја нарекуваат „убица“ на сервисот „Skype“, кој имаше „серија“ на објавување на кориснички податоци на агенцијата „NSA“. Спротивно на тоа, „MegaChat“ неможе да се прислушкува, ниту податоците можат илегално или на друг начин да се соберат.
„MegaChat“, исто како што „Microsoft“ својот „Skype“ ќе го интегрира во новиот „Internet Explorer“ или „Spartan“, ќе биде дел од „Firefox“ или „Chrome“ и од таму е можно, засега преку адресата „mega.nz“ да се остваруваат видео повици во бета верзија.
