Според последните податоци кои пристигнуваат од Јужна Кореја покажуваат дека „LG“ во 2014-та година има испорачано 59.6 милиони телефони ширум светот.
Станува збор за значително поголема количина во однос на 2013-та година, со оглед дека „LG“ таа година испорача 47.6 милиони телефони. Сепак, растот е очекуван, со оглед на зголемената продажба на мобилни телефони.
Со раст од 25.2% на годишно ниво, „LG“ претендира да стане третиот производител на смартфони во 2015-та.
Овој јужнокојрески гигант во 2014-та година се искачи на четвртото место, а пред него се „Samsung“ (28%), „Apple“ (16,4%) и „Lenovo“ (7,9%), додека зад „LG“ се наоѓаат „Huawei“ (5,9%) и „Xiaomi“ (5,2%).
Oд поинтересните телефони, „LG“ оваа година ќе ги претстави „G Flex 2“, како и „G4“. Не е сигурно дали овие телефони ќе ги видиме на саемот „Mobile World Congress“, затоа што некои шпекулации говорат дека тие ќе се појават нешто подоцна во текот на годината.