Самоукото момче Ед Зарик, кој на интернет се прослави вградувајќи „Xbox 360“ и „Xbox One“ во еден лаптоп, на пошироката јавност и ја претстави својата нова играчка – 22-инчен лаптоп кој комбинира „PlayStation 4“ и „Xbox One“.
„PlayStation 4“ е сместен на левата страна на уредот, додека „Xbox One“ е на десната страна. Уредот користи едно напојување, но не дозволува корисење на двата модели во исто време, објаснува Зарик.
„За да го создадам овој уред морав да минам низ многу составувања и конфигурации, но и да прифатам одредени компромиси, поради кои неможев да вметнам „USB“ влезови. Покрај тоа, уредот пристигнува со мрежна картичка и „Wi-Fi“ за двата модули, а тука е и „HDMI“ излезот“, вели Зарик.
Овој уред не е достапен во слободна продажба, туку е направен според специфичните барања на еден купувач, но никогаш не се знае, можеби еден ден ќе се најде во продажба. Повеќе информации можете да погледнете во видеото.
