„HP“ ќе ја прошири својата понуда на таблети со два нови модели. Новите уреди ќе бидат дел од сериите „Pro“ и „Slate Pro“, а ќе работат на „Android“ односно на „Windows“ оперативните системи. „Android“ верзијата е означена со ознаката „Slate Pro 10 EE G1“, додека „Windows“ веријата е означена како „Pro Tablet 10 EE G1“.
Покрај различните оперативни системи, хардверските разлики меѓу двата модели речиси и да ги нема. Двете верзии го имаат процесорот „Intel Atom Z3735F Bay Trail“, а имаат и исто количество на „RAM“ и простор за чување податоци – 2 GB RAM и 32 GB интерна меморија. Дијагоналата на екранот исто така е иста – 10-инчи.
Понатаму, „Pro“ и „Slate Pro“ моделите покрај стандардната поддршка за „Bluetooth“ и „Wi-Fi“, ќе имаат и поддршка за „NFC“. „HP“ се одлучи на додатокот „Pro“ во името поради тоа што и двата модели ќе имаат „Stylus“, oдносно паметно пенкало. Секој од овие модели ќе добие и своја „подверзија“ која покрај сето наброено ќе донесе и поддршка за „3G“ мрежите.
Купувачите на таблетот со „Windows“ оперативниот систем ќе можат да одберат меѓу стандардната и „Bing“ верзијата на „Windows 8.1“. Што се однесува до цената, таа се движи од 345 евра, па се до 515 евра.
