Кинескиот производител на смартфони, компанијата „ZTE“, за американскиот пазар подготви два нови модели. Новите уреди се нарекуваат „Speed“ и „Zinger“, а се темелат на „Android“ оперативниот систем, а според нивната цена нудат и повеќе од пристојни перформанси.
Најголемиот и воедно и најбрзиот модел е оној кој се нарекува „Speed“. Го одликува 4.5-инчен екран со резолуција од 960×540 пиксели и поддршка за „LTE“ мрежата. Работи на процесорот „Qualcomm Snapdragon 400“ со четири јадра (1,2 GHz). Кога станува збор за работната и меморијата за податоци, „ZTE Speed“ e „таман “– 1 GB RAM и 8 GB интерна меморија. Дополнителната надоградба за просторот за чување податоци е 32 GB и може да се оствари со вметнување на „microSD“ мемориска картичка.
Батеријата која би требала да овозможи што подолга автономија на уредот има капацитет од 2000 mAh, а според податоците на производителот таа овозможува 14 часа разговор. „Speed“ има и две камери – предна со резолуција од 2 MP и задна (главна) со резолуција од 5 MP.
„Zinger“ најмногу ќе им се допадне на љубителите на помалите уреди, првенствено поради екранот кој има дијагонала од 3.5-инчи. Овој модел не е помал само поради димензиите, туку има и нешто послаби спецификации во однос на „Speed“.
Уредот има процесор со две јадра „SoC“ со такт од 1,2 GHz, а има и двојно помало количество на работна и меморијата за чување на податоци – 512 MB RAM и 4 GB интерна меморија. Батеријата исто така има помал капацитет од 1.500 mAh, што поради помалиот екран и послабите компоненти и не е неопходен недостаток. Според податоците од производителот, таа е доволна за 6 часа разговор, односно за 8 дена во мирување. Камерата кај овој модел има резолуција од 2 MP.
Двата модели работат на „KitKat“ (4.4) верзијата на „Android“ оперативниот систем, а нивната цена ќе изнесува 99.99 и 49.99 долари. Не е познато, дали овие смартфони ќе се појават и на некои други пазари, на пример европскиот.
