Компанијата „Kodak“ има во план на пазарот да пласира свои брендирани телефони.
Самото производство на уредите ќе го препушти на компнијата „Bullitt“, која ги произведува и „Caterpillar“ смартфоните, но тие ќе бидат под брендот на „Kodak“.
Во официјалното соопштение се наведува дека овие „Android“ телефони ќе нудат одличен дизајн, кориснички интерфејс и најдобар софтвер за уредување на фотографиите во својата класа.
„„Kodak“ е еден од најпознатите брендови во светот. Корисниците во него препознаваат квалитет и иновативност. Ние тоа наследство го превземавме и тоа нам ќе не инспирира да креираме убаво дизајнирани уреди кои на корисниците ќе им овозможат да прават одлични фотографии, да ги уредуваат, споделуваат и печатат“, вели извршниот директор на „Bullitt“, Оливер Шулте.
Првиот уред ќе биде прикажан на саемот „CES“ во јануари 2015-та година.
