„Meizu“ и официјално го претстави „M1 Note“, својот прв уред од новата „Blue Charm“ (Meilan) серија на паметни телефони, која е замислена за младата популација.
„M1 Note“ го користи процесорот на „MediTek“ од 64-бити со „MT6752“, чип со осум јадра „Cortex-A53 CPU“ на такт од 2 GHz, „Mali-T760 GPU“ и 2 GB работна меморија. Екранот е со 5.5-инчи „IGZO“ со резолуција од 1920×1080 пиксели, што дава густина на приказ од 403 ppi.
Задната камера е од 13-мегапиксели со „dual LED“ блиц кој е произведен од „Samsung“, додека од предната страна има 5-мегапикселна камера. Батеријата на овој уред има капацитет од 3140 mAh.
Куќиштето на уредот е „unibody“ и во целост е изградено од поликарбонат, а ќе биде достапно во бела,зелена, розова, сина и жолта боја. „Meizu M1 Note“ има поддршка за 2 „SIM“ картички.
Верзијата на уредот со 16 GB просторот за чување на податоците ќе се продава по цена од околу 160 долари.
