Американскиот производител на авиони „Boeing“ склучи договор со компанијата „Kuwait Airways“ за испорака на десет авиони за долги релации од типот 777-300ER.
Вкупната вредност на договорот е 3,3 милијарди долари.
Испораката на авионите би требало да започне во ноември 2016 година, се наведува во соопштението на американската компанија, пренесува АФП.
Купувањето на нови авиони е дел од планот за реструктуирање на „Kuwait Airways“ кој подразбира модернизација на флотата која засега се состои од 15 авиони од „Airbus“ и два од „Boeing“.
