Продукциската верзија на „Hondа NSX“, која во САД ќе се продава под знакот на „Acura“, ќе има светска премиера на 12-ти јануари, потврди јапонската компанија.
По неколку години најавувања и концептната верзија од 2013-та, „Honda“ конечно ќе ја претстави новата генерација на својот супер-спортски модел:
Новата „Honda (Acura) NSX“ е дело на дизајнерското студио на „Acura“ во Калифорнија, а ќе се произведува во центарот за возила со високи перформанси во Охајо.
„Honda“ засега не објави повеќе детали, но од претходно е познато дека автомобилот ќе добие погон од хибридниот систем кој се состои од „twin-turbo V6“ бензинец и три електромотори. Вкупната комбинирана моќ ќе изнесува преку 400 ks.
Се очекува дека новиот „NSX“ според цената ќе биде конкурентен на „Audi R8“.
