Eлектронскиот гигант „Philips“ го купи американскиот произодител на катетри „Volcano“ зa 1.2 милијарди долари, што е негова најголема аквизиција во доменот на медициската опрема во последните седум години.
„Philips“ во соопштението наведува дека со оваа аквизиција сакаат да го засилат своето присуство во секторот здравство, особено во доменот на третманот на коронарни болести и болести со периферните артерии, пренесува „Reuters“.
„Светот станува се постар, а срцевите заболувања се многу почести. Па поради тоа здравјето претставува можност за наше истражување и развој“, изјави генералниот директор на „Philips“, Франс ван Хоутен.
Според неговата оценка, аквизицијата „Volkanо“ ќе и обезбеди на компанијата поголемо пристуство во клиничките центри и болниците, па така ќе си овозможат поблизок однос со клиентите.
