Германскиот производител на Меѓународниот сеам за електроника (CES) во Лас Вегас ќе претстави систем за далечинско паркирање на автомобилот без возач.
Исто како некои други производители, како што се „Ford“ или „Volvo“, и „BMW“ развива систем со чија помош возачот ќе може да го паркира својот автомобил во гаража или на јавен паркинг, а притоа да немора воопшто да биде во возилото или во негова близина.
Системот му овозможува на возачот да го напушти автомобилот веќе на влезот од гаражата и да ја активира програмата за паркирање со помош на својот паметен часовник.
Потоа, сопственикот на возилото повеќе нема потреба да размислува за својот автомобил, додека не се врати по него во гаража, автомобилот сам ќе си пронајде соодветно паркинг место и ќе изврши маневар за паркирање.
Исто така, возачот по потреба може да испрати инструкции до автомобилот во било кое време да се паркира или да чека на излезот од гаражата.
Овој систем се уште е во фаза на прототип и ќе биде претставен на електричниот модел „i3“, a „BMW“ планира да им го понуди на купувачите на следната генерација на „Serieѕ 7“, која ќе се појави на пазарот во 2015-та година.
