Во Белград денеска ќе започне Третиот самит на Кина и 16 земји од Централна и Источна Европа, кој се одржува под мотото „Нови мотори, нова сила, нова платформа“.
На овој дводневен собор најавено е учество на околу 1.350 владини претставници и бизнисмени од Кина и Европа, меѓу кои и кинескиот премиер Ли Кечијанг.
Самитот, што ќе се одржи во белградскиот „Сава центар“, ќе го отворат Ли и премиерите на Србија и Полска, Александар Вучиќ и Ева Копач.
Се очекува Копач во обраќањето да најави и формирање на заеднички мешовит економски комитет на Кина и земјите од Централна и Источна Европа, чие седиште би било во Варшава.
На форумот ќе се претстват голем број кинески компании заинтересирани за инвестирање во регионот, а ќе се одржат и три тематски панел диксусии.
На маргините на собирот се очекуваат и голем број билатерални средби на владините претставнициучесници на Самитот.
Пред почетокот на Самитот, предвиден за попладнево, премиерите на Кина и шеснаестте други земјиучеснички, ќе присуствуваат на Бизнис форум посветен на можностите за инвестирање во регионот.
