Дали знаете дека „Android“ е најпопуларниот мобилен оперативен систем на светот? И дека секој ден расте со астрономски удел од 80 проценти, далеку пред конкурентите во видот на „iOS“ и „Windows Phone“ платформите?
Одговорот на ова прашање најверојатно сите го знаете, но можеби сепак не ги знаете сите факти за „Android“.
Доколку самите се тестирате колкаво познавање имате за „Android“, тогаш погледнете ги одговорите на 10-те прашања кои ви даваат увид во некои од главните работи кои се однесуваат на оваа платформа:
1. Пред да го продаде на „Google“, основачот на „Android“, Енди Рубин се обидел да го продаде „Android“ на „Samsung“.
2. „Google“ плати 50 милиони долари за да го купи „Android“.
3. Енди Рубин, основачот на „Android“, покажувал големо интересирање и за една друга област, а тоа не се оперативните системи, туку роботите.
4. „Android 5.0 Lollipop“ e првиот „Android“ кој е во целост компатибилен со 64-битни инструкции.
5. Првиот „Android“ телефон за масовниот пазар бил „HTC Dream“, oдносно „T-Mobile G1“.
6. Поддршката за „custom“ тастатура, како што е „SwiftKey“, била овозможена прв пат на верзијата „Android 1.5 Cupcake“.
7. Една од главните причини зошто на „Android“ му е потребно повеќе „RAM“ меморија е процесот на „Javа – garbage collector“.
8. Поддршката за „live wallpaper“ за прв пат е овозможена на верзијата „Android 2.1 Eclair“.
9. Првиот „Android“ таблет беше „Samsung Galaxy Tab“.
1о. Мутлитаскингот беше овозможен веќе во верзијата „Android 1.0“ на оваа платформа.
