„Nokia“ објави дека апликацијата за навигација „HERE“ веќе е достапна бесплатно за оперативниот систем „Android“. Таа може слободно да биде превземена од „Google Play“, доколку уредот ја користи верзијата 4.1 или понова на „Android“.
Апликацијата за навигација на Nokia веќе е достапна за Android (видео)
Засега таа е во бета верзија, постепено ќе се доработува и ќе остане бесплатна. Апликацијата е директен конкурент на „Google Maps“, а обезбедува мноштво можности.
Меѓу нив е гласовна навигација за 118 држави. Има и опција за симнување на мапи, што пак овозможува навигацијата да работи без постојана интернет конекција.
На располагање е функција за навигација со користење на градски транспорт. Има и опција за разговор со пријателите директно од апликацијата.
Паралелно со апликацијата за „Android“, „Nokia“ го ажурираше и сајтот „here.com“ во кој мапите можат да се користат преку компјутер. Покрај тоа, компанијата работи и на верзијата на „HERE“ за „iOS“. Таа ќе биде готова на почетокот на следната година.