Купе верзијата на најновата генерација на „Mercedes C-Сlasѕ“ ќе биде претставена во декември 2015-та година, дознава магазинот „Auto Motor und Sport“.
Во споредба со лимузинската верзија, моделот со две врати ќе има нагласен спортски дизајн, а се очекува да биде долг околу 4,7 метри и незначително поширок и понизок од актуелниот „Mercedes C-Сlasѕ Coupe“.
На располагање ќе биде палета на мотори која се користи за погон во новата „C-Сlasѕ“. Понудата би можела да опфати четирицилиндарски 2.0-литарски бензинци во опсег од 184 ks дo 238 ks, како и 3.0-литарски „V6“ кој произведува 333 ks.
Што се однесува до дизелите, најсериозни кандидати за погонските единици на купе „C-Сlasѕ“ се 2.1-литарскиот четирицилиндарски со 204 и 238 ks.
„AMG“ верзијата е планирана за 2016-та, а под хаубата ќе се наоѓа 4.0-литарски „V8“. На купувачите би требало да им бидат понудени две верзии од овој мотор со 476 и со 510 ks.
