Еден од основачите на програмата „Скајп“ претстави нова апликација што треба да ги подобри услугите и реши проблемите на ваквите случни апликации.
Апликацијата „Вајр“ има цел да ја комбинира понудата на ВотсАп, Слак и Скајп во едно.
– Скајп се појави пред повеќе од една деценија. Од тогаш многу работи се имаат променето, сите веќе сме навикнати на бесплатни повици и пораки, како и на носење на нашите компјутери во џеб, изјави Јанис Фрис.
Според Фрис време е да се создаде најдобриот алат за комуникација, тој што е едноставно убав и корисен. Вајр е токму тоа, нагласи тој.
Во тимот на апликацијата „Вајр“ се лица од Шведска и Германија, кои претходно работеле за Скајп, Епл, Нокиа и Мајкрософт.
Вајр може бесплатно да се преземе за Епл и Андроид ОС.