Кога пред неколку години беше објавена стратегијата која предвидуваше дека до 2015-та продажбата на „Maserati“ ќе достигне 50.000 aвтомобили, ретко кој веруваше дека планот навистина може и да се реализира. Кон крајот на 2014-та, италијанскиот производител е на добар пат да ја реализира зацртаната цел.
„Maserati“ соопшти дека за нешто помалку од 2 години во фабриката во близина на Торино, изработени се 50.000 возила од оваа марка, а само во последната година од производната лента излегле 40.000 примероци.
Во погонот кај Торино се произведуваат луксузните лимузини „Quattroporte“ и „Ghibli“, a покрај оваа фабрика, „Maserati“ изработува автомобили и во Модена.
Педесетилјадитиот примерок ја зголеми прославата на јубилејот на компанијата која во 2014-та година слави 100 години постоење. Автомобилот е наменет за купувач во САД, „Maserati“ на северноамериканскиот пазар во 2014-та постави нов продажен рекорд, со оглед дека во првите 10 месеци се испорачани 10.700 возила.
Нов раст на продажбата на „Maserati“ се очекува и во 2015-та, кога ќе биде лансиран кросоверот „Levante“. Покрај овој нов модел, се верува дека компанијата ќе го исполни годишниот план на продажба од 50.000 автомобили.
