Категоријата на луксузни спортски купе модели станува се поинтересна. „Lexus RC 350“ пристигнува на пазарот со многу интересен дизајн и високи перформанси, како ниту еден „Lexus“ пред него.
Развиен како самостоен модел, а не според примерот на некој седан, па затоа „RC“ нуди перформанси, индивидуалност и врвен луксуз и технологија, а тоа го ветува и неговата каросерија.
Од „Lexus“ очекуваат дека „RC“ ќе ја привлече наредната генерација на купувачи на луксузни возила, како и нови купувачи на овој бренд. Додека „RC 350“ го привлекува вниманието со врвниот екстериер, него истовремено го карактеризира ефикасноста на погонскиот агрегат.
Овој модел во стандардна верзија е опремен со „V6“ мотор со зафатнина од 3.5-литари кој развива 306ks моќ и кој е поврзан со осумстепена „Sport Program Direct Shift“ трансмисија која овозможува моделот со погон на задните тркала да оствари лесна акцеларација, предвидлив вртежен момен и добра економичност на потрошувачката на гориво.
Клучна работа за одлично управување со овој модел е неговата ултра крута платформа. „RC“ е најновиот модел кој го карактеризира трансформацијата на управување, која „Lexus“ ја започна со моменталниот „GS“ модел и ја пренесе на новите „IS“ спортски седани.
Од почетокот на достапноста, „Lexus“ ќе го нуди новиот „RC 350“ модел со систем на погон на задните и на сите четири тркала, при што овој другиот ќе користи шестстепена автоматска трансмисија, како и „F Sport“ веризјата.
„F Sport“ верзијата ќе биде специфична по тоа што возилото ќе го карактеризира стандардно променливата суспензија, како и „Lexus Dynamic Handling“ системот кој вклучува управување на задните тркала.