Македонската фудбалска репрезентација забележа пад од четири позиции и сега се наоѓа на 103. место на најновото рангирање извршено денеска од страна на Светската фудбалска федерација – ФИФА.
Падот на „рисовите“ во однос на минатомесечното рангирање е резултат на поразот од Словачка во евроквалификациите со 2:0.
Од репрезентациите што во квалификациите за ЕУРО 2016 се во група со Македонија, најдобро пласирана е Шпанија 9.место, Словачка е на 21.место, Украина се наоѓа на 26. позиција, Белорусија е 101.ва, а Луксембург на 129. место.
Во Топ 10 се наоѓаат: Германија, Аргентина, Колумбија, Белгија, Холандија, Бразил, Португалија, Франција, Шпанија и Уругвај.
Следното рангирање ФИФА ќе го изврши на 18 декември.
