Доколку помисливте дека „Mazda 2“ е премногу мал автомобил за од него да се направи лимузина, што ќе кажете тогаш на овој седан кој е базиран на „Hyundai i10“?
Лимузините се толку омилени кај купувачите на некои пазари кои се во развој, а производителите се одлучуваат дури и од најмалиот хечбек модел да направат седан.
Па така „Hyundai“ за купувачите во Мексико во понудата ќе го има моделот „Grand i10“ со 4 врати, кој е долг само 3,99m.
„Hyundai Grand i10“ ќе се изработува во Индија, каде истиот модел се продава под името „Xcent“, со оглед дека Индијците сакаат мали лимузини.
Мексиканците кои ќе го купат овој седан ќе добијат мал, но моќен автомобил кој ќе го придвижува 1.2-литарски бензинец со 87 ks (64 kW). Моторот е поврзан со петбрзински мануелен менувач, а изборниот автоматик се очекува во 2015-та година.
„Hyundai“ на купувачите ќе им понуди повеќе нивоа на опрема, а богатиот пакет ќе има и автоматски клима-уред, задни паркинг сензори, електрични ретровизори…
Основната верзија ќе чини 7.950 eвра.
