Очилата на „Samsung“ за виртуелна реалност – „Gear VR“, би требало на почетокот на декември да пристигнат до првите купувачи. Сепак, судбината на производот е многу дискутабилна.
Станува збор за „VR“ сет по цена од 200 долари, што звучи релативно примамливо, но кога ќе ги ставите на глава, нема да можете да видите ништо, затоа што „Gear VR“ е како диспеј, а за извор на напојување и „мозокот“ на целата работа се користи „Samsung Galaxy Note 4“.
Кога ќе се земе во предвид цената на „Samsung Galaxy Note 4“ (околу 700 eвра) и фактот дека „Gear VR“ не е ништо друго освен подобро направен „Google Cardboard“, останува прилично нејасно, што „Samsung“ има во план?
За информацијата да биде целосна, постои и „Inovator“ верзија, која со себе носи и „Bluetooth“ контролер.
Ако „Samsung“ сака било кој да го купи овој уред пред конкурентскиот „Oculus Rift“, ќе мора да поработи на цената, но и на можноста да се користат и други телефони како дисплеј.
