„Aston Martin“ без многу фанфари го претстави уникатниот „DB9 Volante“ креиран од страна на нивното „Q“ одделение.
Oвој модел го карактеризира „Morning Frost“ екстериерот со бела боја и украсни компоненти со сина боја изработени од јаглеродни влакна, мек покрив во сина боја, а тука е и сетот на нови алуминиумски тркала.
Двобојниот дизајн продолжува и внатре во кабината каде се видливи седиштата преслечени со кожа во сино-бела комбинација.
За моќта е задолжен 6.0-литарски V12 мотор кој развива 510 ks излезна моќ и 620 Nm вртежен момент, а поврзан е со „Touchtronic 2“ шестстепената трансмисија која на возилото му овозможува забрзување до 100 km/h да го постигне за 4.6 секунди.