За љубителите на кошарката летниот одмор во НБА пред новата сезона беше возбудлив период, бидејќи тимовите склучија некои големи трансфери.
Се разбира, играчите кои поминуваат во еден или друг клуб се најпрофитабилните, бидејќи во повеќето случаи потпишуваат мултимилионски договори. Погледнете кои се најскапо платените ѕвезди во НБА оваа сезона, според „ESPN“:
10. Руди Геј.
Крилото на Сакраменто Кингс ќе заработи 19.317.326 долари во оваа сезона.
9. Дерон Вилијамс.
Платата на плејмејкерот на Бруклин Нетс е 19.754.465 долари за сезоната 2014/2015 година. Двајцата со Џо Џонсон, кој го зазема третото место на оваа листа, сочинуваат голем дел од трошоците за плати на тимот.
8. Крис Пол.
Бекот на Лос Анџелес Клиперс ќе добие од својот клуб 20.068.563 долари оваа сезона.
7. Леброн Џејмс.
Суперѕвездата на НБА избра помала плата и враќање во родниот Кливленд. Тој, сепак останува еден од највисоко платените во оваа сезона со плата од 20.644.400 долари.
6. Крис Бош.
Откако го обнови договорот со Мајами Хит, центарот ќе заработи 20.644.400 долари во оваа сезона. Договорот на Бош е за пет години со вкупна вредност од 118 милиони долари.
5. Двајт Хауард.
Центарот на Хјустон Рокетс ќе добие 21.436.271 долари во оваа сезона.
4. Кармело Ентони.
Машината за поени на Њујорк Никс неодамна потпиша нов петгодишен договор, кој оваа сезона ќе го направи за 22.458.401 долари побогат. Договорот на Ентони е со вкупна вредност од 124 милиони долари.
3. Џо Џонсон.
Бекот на Бруклин Нетс ќе добие 23.180.790 долари во оваа сезона. Џонсон потпиша шестгодишен договор со Атланта Хокс во 2010-та година, кој беше во вкупна вредност од 123.7 милиони долари. Две години подоцна, сепак Нетс го купија, за да игра заедно со Дерон Вилијамс.
2. Амар Стадемаер.
Центарот на Њујорк Никс ќе заработи 23.410.988 долари во оваа сезона.
1. Коби Брајант.
Коби Брајант ќе добие 23.500.000 долари за сезоната 2014/2015, што го прави 36-годишниот ветеран на Лос Анџелес Лејкерс највисоко платениот играч во лигата. Бекот потпиша двегодишно продолжување на договорот со Лејкерс во 2013-та година во вредност од 48,5 милиони долари.
