„LG“ неодамна поднесе барање за патентирање на нови имиња, кои би можеле да се искористат за следните смартфони на компанијата. Имињата, кои се откриени, ги вклучуваат „LG G Chocolate“, „LG G Black“, „LG G Black Slim“, „LG G Black Sound“ и „LG G Plus“. Сите заштитени имиња покриваат широк спектар на производи, од мобилни телефони до таблети, па и носиви уреди.
Пред неколку години, „LG“ ја имаше „Black“ серијата на телефони, која ги вклучуваше моделите „LG Chocolate“, „LG Shine“, „LG Secret“ и „LG New Chocolate BL40“.
Поради тоа може да се претпостави дека барем „G Chocolate“ и „G Black“ би можеле да бидат искористени како имиња за нови телефони.
Нормално, не се искористуваат сите имиња кои се заштитуваат со патент за вистинските производи. Меѓутоа, основата со новите имиња се поклопува со неодамна лансираните „LG“ смартфони, како што се „LG G Vista“ или „LG G Pro“.
Во изминатиот квартал, „LG“ продаде 16.8 милиони смартфони, па така сега е одлично време за нови телефони со кои дополнително ќе се подобри продажбата.
