Меѓу познавачите на автомобилската тематика, многу ретко може да се слушне дека инфо-забавниот систем е развиен од страна на производителот на возила, речиси и да ги нема.
„Apple“ го нуди системот „CarPlay“ кој веќе некои производители се одлучија да го користат, а „Google“ го разви „Android Auto“. Сепак, „General Motors“ одлучи да го одбере сопствениот пат.
Додека „CarPlay“ и „Android Auto“ нудат лесно поврзување со паметните телефони, т.е. пресликување на апликациите, овие системи не нудат надзор на греењето и ладењето, но и останатите системи кои се својствени за автомобилите. Дополнителна потешкотија претставува фактот, дека „Apple“ и „Google“ немаат решение за возачите кои не користат паметни телефони.
„General Motors“ ја ангажираше компанијата „Harman“ да развие единствен, се уште неименуван систем базиран на „Android“ кој би имал сопствени апликации. Со пристапот до апликациите и медиумиските содржини, преку овој систем сопствениците на „GM“ возилата би можеле да управуваат со сите функции во автомобилот, како клима уредот, камерата за гледање позади и друго.
Интересно е тоа што компанијата „Harman“ испорачува инфо-забавни системи за производителите на возила, како што се „BMW“, „Mercedes“ и „Toyota“, па може да се очекува во иднина новоразвиениот „Android“ систем да се вгради и во производите на овие компании.
Исто така, сега ќе треба да се следи како ќе реагираат „Apple“ и „Google“, кои би требало да ја прошират функционалноста во своите системи наменети за автомобилите.
