Француската енергетска и железничка групација „Alstom“ забележа раст на приходи од 13 проценти во првото полугодие од фискалната 2014-2015 година која завршува во март.
Оперативниот профит на компанијата од април до крајот на септември 2014 година изнесуваше 152 милиони евра, што е раст од 21 процент во однос на претходното полугодие, пренесува АФП.
Продажбата пораснала за 13 проценти, додека оперативната маржа за 30 базни поени.
Проектот меѓу „Alstom“ и „General Electric“ е на добар пат, консултативните разговори на управите се завршени, договорот за преземање како и останатите помошни договори се потпишани и авторизацијата на декретот за странските инвестиции е извршена.
Управниот одбор на француската железничка и енергетска групација „Alstom“ на крајот на јуни ја прифати понудата на компанија „General Electric“.
Американскиот конгломерат „General Electric“ понуди 17 милијарди долари за енергетскиот бизнис на „Alstom“.
