„Renault“ на саемот во Сао Паоло ќе го претстави „pick-up“ возилото „Oroch“ со два реда седишта, кое е засновано на моделот „Duster“. Станува збор за концепт со кој француската компанија најавува продукциска верзија на „pick-up“ за пазарот во Латинска Америка.
Моделите на „Daсiа“ во Бразил и Јужна Америка се продаваат како возила на брендот „Renault“, a „Duster“ е еден од најбараните автомобили во овој дел на светот.
Од друга страна, „Renault“ објави податок дека од 920.000 лесни комерцијални возила колку годишно се продаваат на јужноамериканскиот пазар, 75% го сочинуваат „pick-up“ автомобилите.
Француската компанија сака дел од тој колач и планира на купувачите да им понуди најмалку два „pick-up“ модели од кои еден веројатно ќе биде базиран на „Duster“.
Со цел да ги испита реакциите на експертската јавност и да дознае што потенцијалните купувачи сметаат за еден таков автомобил, „Renault“ го конструираше концептот „Duster Oroch“.
Aвтомобилот ќе биде претставен на саемот кој од 30-ти октомври до 9-ти ноември ќе се одржи во најголемиот бразилски град.
„Renault“ не ги соопшти техничките детали и спецификациите на возилото, но врз основа на фотографиите се гледа дека тоа е подолго од класичниот „Duster“,
Концептот стилски е подобрен, со детали кои се карактеристички за „lifestyle“ возилата.
Исто како стандардната верзија на моделот „Duster“, и ова има два реда седишта и четири врати, а зад кабината се наоѓа покриен товарен дел.
„Oroch“ не е првиот „Duster“ кој е модифициран во „pick-up“ возило. Романскиот производител неодамна претстави пократката верзија со две врати и еден ред седишта, но тој автомобил е изработен исклучиво по нарачка за потребите на локалната нафтена компанија.
