LG ќе го прекине производството на плазма телевизори. Тоа ќе се случи до крајот на ноември, објави компанијата, цитирана од агенцијата „Reuters“.
Самото решение на компанијата е најавено во известување до властите во Јужна Кореја. Причината е намалената побарувачка на плазма телевизори, кои губат се повеќе и повеќе позиции за сметка на „LCD“ и „OLED“ моделите.
Одлуката на „LG“ е очекувана. Веќе многу од производителите се откажаа од плазма моделите.
До крајот на ноември годинава и „Samsung“ исто така ќе го прекине производството на овој тип телевизори. Компаниите ќе се фокусираат на развивање на „OLED“ и „LCD“ телевизорите, кои се поевтини, што ги прави и најпосакувани од корисниците.