Банките во светот би можеле да платат 41 милијарда долари казни поради манипулацијата со девизните курсеви, во постапката која се води во САД.
Според студијата која ја направи „City Group“, со најголема казна би можела да биде казнета „Deutsche Bank“ – со 5,1 милијарди евра, пишува „Handelsblatt“. Таа казна би можела да биде изречена во постапката за израмнување со истражните органи.
Студијата не ја зема во предвид соработката на оделни банки со истражувачките органи, поради која би можела казната да им биде намалена или дури и укината, пишува весникот.
Ова би било само една и веројатно најголема, во серијата казни кои во последните години поради злоупотреба во работењето мораше да ги плати најголемата германска банка.
Неодамна на наследниците на починатиот германски медиумски магнат Лео Кирх, банката мораше да им исплати 925 милиони долари поради штетата која, во едно интервју на еден раководител на банката, ја нанесе на „Кирховата империја“.
