Конзорциум инвеститори од Хонгконг и Абу Даби се заинтересирани за купување на брендот „Reebok“ од германскиот „Adidas“ за 1,7 милијарди долари, пишува „Wall Street Journal“.
Изворите запознаени со ситуацијата изјавиле дека зад понудата стојат извршниот директор на компанијата од Хонг Конг „ Jynwel Capital“, Џо Лов и фондови поврзани со владата во Абу Даби, пренесува агенцијата Франс прес.
„Adidas“ во 2006 година го купи „Reebok“ за три милијарди евра со надеж дека ќе изврши притисок врз американскиот ривал „Nike“. Германската компанија, сепак и понатака се соочува со пад на уделот на американскиот пазар и зад неа е тешка година. „Adidas“ ја намали прогнозата за овогодинешниот нето профит на околу 650 милиони евра во однос на претходно очекуваните од 830 до 930 милиони, пренесуваат агенциите.
