За 20 минути беа откупени сите билети кои беа пуштени во слободна продажба за супердербито на Шпанија помеѓу Реал Мадрид и Барселона.
Најголемиот натпревар помеѓу Реал Мадрид и Барселона ќе се одигра на „Сантијаго Бернабеу“ на 25-ти октомври од 18:00 часот, а засега се сигурни 84 илјади гледачи на трибините.
Најевтините билети за „Ел Класико“ се 56 евра, најскапите 272 евра, а 65 илјади од картите беа резервирани за сопствениците на сезонски билети.
Од раководството на Реал особено ги замолија симпатизерите да соопштат доколку нема да одат на натпреварот, со цел да не остануваат празни места на „Бернабеу“.
