Пред неколку дена „Google“ официјално го претстави новиот оперативен систем на „Android“, петтиот по ред кој се нарекува „Lollipop“. Повеќето од корисниците во текот на неделата се запрашуваа дали нивниот уред ќе го добие новото надоградување или „Lollipop“ верзијата.
На чекањето му дојде крај, барем за корисниците на уредите на „Motorolа, „HTC“ и „Sony“, затоа што овие три компании објавија кои модели од нивната понуда можат да ја поддржат новата верзија на „Android“.
Стартуваме со „Motorolа, а надоградбата „Lollipop“ ќе ја добијата првата и втората генерација на смартфоните „Moto G“ и „Moto X“, потоа „Moto G“ со поддршка за „4G LTE“, „Moto E“, „Droid Ultra“, „Droid Maxx“ и „Droid Mini“.
„HTC“ објави дека поддршката за „Lollipop“ моментално е планирана за само четири модели – „HTC One“ (M7), „HTC One“ (M8), „HTC One Mini“ и „HTC One Mini 2“. Купувачите на првите два модели истата можат да ја очекуваат за 90 дена откако „Google“ на „HTC“ ќе му го испорача новиот „Android“, додека датумот за купувачите на следните два модели ќе мораат да почекаат, затоа што „HTC“ датумот ќе го објави дополнително.
Иако има многу гласини дека „Sony“ нема „Lollipop“ да го донесе на сите телефони и „Xperia Z“ серијата, тој податок го демантираше „Sony“, објавувајќи дека сите „Xperia Z“ модели ќе го добијат новиот „Lollipop“. Значи купувачите на „Xperia Z“, „Xperia ZL“, „Xperia ZR“, „Xperia Tablet Z“, „Xperia Z1“, „Xperia Z1S“, „Xperia Z Ultra“, „Xperia Z1 Compact“, „Xperia Z2“, „Xperia Z2 Tablet“, „Xperia Z3“, „Xperia Z3v“, „Xperia Z3 Compact“ и „Xperia Z3 Tablet Compact“, имаат причина за задоволство.
Новиот „Android“ најпрво ќе го добие моделот „Sony Z Ultra Google Play Edition“, додека остатокот од „Z“ серијата надоградбата ќе започнат да ја добиваат на почетокот на 2015-та година. Како и секогаш се стартува од најновите кон најстарите модели. Сепак корисниците на „Nexus“ се првите кои ќе можат да ги превземат своите надоградувања – сопствениците на „Nexus 7“ и „Nexus 10“ уредите веќе од 3-ти ноември, а корисниците на „Nexus 4“ и „Nexus 5“ кон крајот на истиот месец.
