Калифорнискот закон има одредба според која сите телефони кои ќе бидат направени од следниот јули мораат да ја имаат функцијата „kill switch“ која овозможува да го оневозможите нивното користење кога ќе бидат украдени, а „Google“ токму таква функција вгради во „Lollipop“.
„Recode“ известува дека „Android Lollipop“ има функција која се нарекува „Factory Reset Protection“, која прави телефонот да бара лозинка пред да се рестартира.
Кога ова се комбинира со можноста од далечина да го заклучите вашиот телефон, изгледа дека „Android“ уредите сега ја имаат функцијата „kill switch“ која може да го направи телефонот бескорисен кога ќе ви го украдат.
Ова би можело да направи значајна разлика за сопствениците на „Android“ телефоните, затоа што откога „Apple“ додаде дополнителни видови на заштита за нивните уреди, кражбите на „iPhone“ значително опаднаа.
