Фаблетите се големи и можат да бидат тешки за користење со една рака, но „Alcatel“ смета дека има решение за овој проблем. Нивниот најнов „Android“ фаблет, „Pop Mega“, 6-инчен модел кој ќе биде достапен од следниот месец, доаѓа во пакет со дополнителна, секундарна единица.
Овој другиот може да ви служи само за остварување повици, праќање пораки и добивање на известувања. Секундарниот телефон е познат како „Buddy“ и се поврзува со „Pop Mega“ по пат на „Bluetooth“.
„Alcatel“ порачува дека полесно е да се користи „Buddy“ кога сакате да телефонирате, а „Pop Mega“ кога сакате да пронајдете нешто на Интернет, да погледнете видео или да работите некоја друга работа со паметниот телефон.
Сепак, „Alcatel“ не е првата компанија која се сети на ваква идеа. „HTC“ го објави „Mini“ приборот за своите големи телефони во Кина уште во јануари минатата година. Меѓутоа, во овој случај, наместо да го платите дополнителниот прибор, „Alcatel“ го дава „Buddy“ во пакет со „Pop Mega“, кој ќе чини 250 долари.
