Третата генерација на „Kiа Rio“ имаше премиера во 2011-та, а редизајнираната верзија на овој модел ќе биде претставена во Париз.
Корејскиот производител не направи значајни промени на надворешноста на автомобилот со оглед дека „Rio“ и натаму има свеж и современ дизајн.
Во однос на моделот кој го гледаме на улиците, „Rio“ зa 2015-та ќе има поразлични браници и редизајнирани стоп-светла и фарови за магла.
Понудата на алуминиумски бандажи ќе биде збогатена со три нови опции, кои ќе можат да се нарачаат од 15 до 17 инчи, а на купувачите ќе им бидат достапни и две нови нијанси на екстериерот, означени како „Digital Yellow“ и „Urban Blue“.
Ентериерот е збогатен со нови украсни детали, како хромирани рамки на вентилациските отвори и редизајнирани команди на аудио системот.
Покрај тоа, подобрена е и работата на мултимедијалниот систем и навигацискиот уред.
Во понудата ќе бидат четири мотори со моќност од 75 ks (55 kW) дo 109 ks (80 kW), кои се поврзани со мануелен менувач со 5 или 6 брзини.
Како опција на располагање е и автоматик со 4 степени на пренос.
Сите верзии на моделот „Rio“ зa 2015-та со доплата можат да бидат опремени со економичната „ISG“ технологија, која подразбира стоп/старт систем, гуми со мал отпор на триење и други подобрувања.
Редизајнираниот „Rio“ хечбек ќе се произведува во фабриката Сохари во Јужна Кореја. Автомобилот на европскиот пазар ќе пристигне на почетокот на 2015-та, а се очекува „Kia“ наскоро да го претстави и освежениот „Rio Sport Sedan“.
