Компанијата Блекбери го претстави својот нов смартфон Паспорт, кој има необичен облик.
Телефонот има зголемен дисплеј од 4,5 инчи и резолуција од 1440х1440 пиксели.
Неговите димензии се 128х90,3х9,3 милиметри, а тежината е 194 грама.
Останатите хардверски карактеристики вклучуваат Снапдрагон 800 процесор, 3 GB RAM меморија и 3450 mAh батерија, како и 13 MP камера од задната, односно 2 МР камера од предната страна.
Продажбата на телефонот почнува денеска и неговата цена изнесува 699 долари во слободна продажба, додека со договор ќе чини 249 долари.
Корисниците ќе имаат можност за преземање апликации од Амазон ап стор.
