Минијатурната конзола „PlayStation TV“ која ќе ви овозможи на вашите „TV“ уреди да заиграте „PS Vita“, „PSP“ и „PS One“, на европскиот пазар ќе пристигне на 14-ти ноември, а ќе биде достапна за 99.99 евра.
Купувачите веќе првиот ден на располагање ќе имаат неколку стотини игри, а колекцијата со текот на времето неколку пати ќе биде поголема.
Конзолата во продажба ќе се најде за жал без „gamepad“ кој купувачите ќе мораат да го купат (поддржува „DualShock 3“ и „DualShock 4“) и без мемориска картичка (самата конзола пристигнува со 1 GB „flash“ меморија), но „Sony“ во пакетот вклучи и ваучери за превземање на три дигитални игри – „Worms Revolution Extreme“, „Velocity Ultra“ и „OlliOlli“.
Повеќе информации за игрите кои за „PlayStation TV“ ќе бидат достапни по излегувањето можете да побарате на службениот „PS“ блог.