28 март, 2024
ПочетнаТЕХНОЛОГИЈАДеби на фаблетот Samsung Galaxy Mega 2

Деби на фаблетот Samsung Galaxy Mega 2

galaxy mega 2

По бројните гласини за идниот наследник на фаблетите „Galaxy Mega 5.8“ и „Galaxy Mega 6.3“, истиот конечно и официјално е претставен.

Наследникот доаѓа под името „Galaxy Mega 2“ и во однос на стариот модел „Galaxy Mega 6.3“ има нешто помал 6.0-инчен екран, па со тоа и помали димензии – 163,6 x 84,9 x 8,6 милиметри. Резолуцијата не се менуваше, па така и најновиот фаблет на „Samsung“ има „HD“ резолуција од 1280 x 720 пиксели.

Овој уред работи на процесор со четири јадра и такт од 1,5 Ghz, има 1,5 GB RAM и 16 GB интерна меморија која лесно може да се прошири по пат на „microSD“ мемориска картичка. „Samsung“ овој пат не претстави „Selfie“ модел, затоа што истиот го опреми со предна камера со резолуција од 2,1 MP. Главната камера (задната) има стандардни 8 MP, „LED“ блиц и поддршка за снимање на видео записи во 1080p квалитет.

Останатите спецификации се однесуваат на „Wi-Fi“, „Bluetooth LTE“ и „NFC“ поддршка, како и батерија со капацитет од 2800 mAh. „Galaxy Mega 2“ доаѓа со најновиот „KitKat“ оперативен систем, т.е. со дополнувањата од „Samsung“ како „Ultra Power Saving“ и „One-handed“ кој би требало да помогне за долго траење на батеријата, т.е. користење на овој фаблет со една рака.

Засега „Galaxy Mega 2“ е достапен само на азискиот пазар, а се уште не се знае дали „Samsung“ има намера истиот да го понуди на американскиот и европскиот пазар.

НАЈНОВИ ВЕСТИ

ХОРОСКОП