„HP“ наскоро на пазарот ќе претстави уште еден таблет кој ќе работи на „Android“ оперативниот систем. Станува збор за таблетот „Slate 7 Beats Special Edition“ со црвено-црна боја и кој ќе биде опремен со аудио технологијата на „Beats“.
Таблетот има димензии од 200 x 120 x 9,4 милиметри и тежина од 350 грама, „IPS“ екран со дијагонала од 7 инчи, како и резолуција од 1280 x 800 пиксели. Овој уред го користи процесорот на „Nvidiа“ со четири јадра – „Tegra 4 SoC“ со такт од 1,8 GHz, има 1 GB RAM и 16 GB интерна меморија која може по потреба дополнително да се прошири по пат на „microSD“ мемориска картичка.
„Slate 7 Beats Special Edition“ доаѓа со „KitKat 4.4.2“ верзијата на „Android“ оперативниот систем, стерео звучници, „micro HDMI“ конектор, „Nvidiа DirectStylus“ пенкало, т.е. со поддршка за „Wi-Fi“ (802.11n), „Bluetooth 3.0“ и „GPS“. „HP“ овој таблет го опреми со батерија со капацитет од 4100 mAh, што според производителот е доволно за 9 часа постојана работа.
„HP Slate 7 Beats Special Edition“ на јапонскиот пазар ќе пристигне на 26-ти септември, каде ќе се продава по цена од 233 американски долари.
