„Samsung Galaxy S5 Active“ прв пат се појави на американскиот пазар во текот на мај, но овој уред наскоро пристигнува и на европскиот пазар.
Станува збор за посебна верзија на паметниот телефон „Galaxy S5“ кој покрај тоа што е отпорен на влијанието на вода и прашина според сертификатот „IP 67“, тој има и зајакнато пластично куќиште кое е во состојба да издржи пад од висина од 1 метар, високи температури, влага и висока надморска висина (US Mil-STD 810G сертификација).
Спецификациите на уредот се идентични како оние кои се наоѓаат кај моделот „Galaxy S5“. Тоа се 5.1-инчниот „Full HD Super AMOLED“ екран, четиријадрен „Snapdragon 801“ процесор со такт од 2,5 GHz, 2 GB работна меморија, 16 GB слободен простор за чување на податоци кој може да се прошири со „microSD“ картичка, 16-мегапикселна задна камера, сензор за отчукувања на срцето, како и батерија со моќ од 2800 mAh.
Не е вграден сензорот за отисок на прстите, наместо него постои дополнително копче за побрз пристап до опцијата „Activity Zone“ која вклучува компас, барометар, светилка и стоперка.
„Samsung Galaxy S5 Active“ во Европа ќе се продава по цена од 629 евра и во зелена и сива боја, но засега не е познат точниот датум за старт на продажбата.