Гамата на „Jaguar“ е побогата за уште еден модел кој ќе се бори за приматот на многу конкурентниот и профитабилен пазар на кој доминираат „BMW Serieѕ 3“, „Audi A4“ и „Mercedes C сlasѕ“.
Во Лондон вчера беше претставен новиот модел на „Jaguar“, компактниот седан XE:
Дизајнот на автомобилот претставува комбинација на конзервативна лимузина и спортски линии, карактеристични за купе.
Како од „Jaguar“ да сакаат со тоа да привлечат што поголема целна група на купувачи, од традиционалните, нешто постарите клиенти, па се до младите купувачи.
Сепак тие играа на сигурно, па така „XE“, а особено на предниот дел на автомобилот, посетува на поголемата лимузина на „Jaguar“, моделот „XF“.
Ниту во кабината многу не се експериментираше. „Jaguar“ обајави фотографии од верзијата „XE S“, па така енериерот покрај дозата на елеганција има и спортска нота.
Компанијата соопшти дека на купувачите ќе им биде достапен широк избор на материјали и украсни елементи од алуминиум и дрво.
„Jaguar“ уште претходно се пофали со новиот мултимедијален уред „InControl“, кој имаше премиера токму на моделот „XE“.
Системот меѓу останатото овозможува поврзаност со смартфон уредите кои работат на „Apple“ и „Android“ платформите.
Новина е револуционерниот „head-up“ дисплеј кој во текот на возењето ги прикажува неопходните информации така што ги проектира на шофершајбната.
„Jaguar XE“ е поставен на новата лесна модуларна платформа, а 75 проценти од конструкцијата е изработена од алуминиум.
На возачот ќе му бидат достапни бројни електронски системи за асистенција, како системот за препознавање на сообраќајните знаци, уреди кои предупредуваат на возила кои доаѓаат од позади, систем за автоматско сопирање со цел да се спречи незгода или минимализиранње на последиците од неизбежниот удар.
„Jaguar“ при презентацијата најмногу внимание посвети на верзијата „XE S“. Овој модел има 3.0-литарски „V6“ бензински мотор со компресор, кој произведува 340 ks (250 kW) и 450 Nm максимален вртежен момент.
Во пар со осумбрзинскиот автоматски менувач, моторот е во состојба возилото тешко еден тон да го придвижи од место до „стотка“ за 5.1 секунда, додека максималната брзина е електронски ограничена на 250 km/h.
„Jaguar XE“ ќе биде достапен и со послаб, четирицилиндарски 2.0-литарски бензинец и дизел мотор, а најновите спецификации ќе бидат соопштени на претстојниот саем во Париз. Компанијата откри дека дизел верзијата ќе биде значително економична со просечна потрошувачка од 3,7 l/100 km и емисија на јаглерод-диоксид од 99 g/km.
Новиот „Jaguar“ ќе има премиера на саемот за автомобили во Париз, на почетокот на октомври, а во продажните салони ќе пристигне во првата половина на 2015-та, кога ќе биде позната и неговата цена.
