„Facebook“ неодамна во своите мобилни апликации овозможи автоматско пуштање на видео клипови во „news feed“. Иако оваа функција на некои корисници добро ќе им дојде, повеќето сепак ќе направат големи сметки за телефон, затоа што е потврдено дека троши голема количина на податоци за пренос.
Портпаролот на компанијата „Facebook“ изјави дека се обиделе видео снимките да трошат што е можно помалку податоци за пренос, што сепак и не е случај, но за среќа оваа опција може да се исклучи во само неколку чекори.
Доколку користите „iPhone“ се што треба да сторите е да одите во „Settings“, да го пронајдете „Facebook“ и да ја отворите таа опција. Потоа одете во „Settings“, па „Auto-play“ и одберете ја опцијата „Off“ или „Wi-Fi only“.
На „Android“ уредите отворете ја апликацијата „Facebook“, одете на подесувања, кликнете „App Settings“, а потоа одберете ја опцијата „Wi-Fi only“ или „Off“.
На овој начин ќе бидете сигурни дека на крајот на месецот нема да добиете „изненадување“ во вид на преголема сметка за вашиот мобилен телефон.
