„Toshiba“ го зајакнува своето присуство на пазарот на таблетите со нов компактен и евтин модел. „Encore Mini“ ќе се потпира на 7-инчен екран и целосно опремен со „Windows 8.1“.
Во спецификациите на уредот се вклучени процесор „Intel Atom“, 1 GB RAM меморија, 16GB внатрешна меморија и слот за „microSD“ картички. На располагање се две камери, „micro USB 2.0“, „WiFi“. Резолуцијата на екранот е од 1024х600.
Од слични карактеристики и мал екран не може да се очекува многу, но уредот ќе се справи со основните задачи кои се барани од корисниците. Негова атрактивна особина ќе е цената, а таа ќе изнесува 119 долари. Се очекува испораките на „Encore Mini“ да започнат во средината на месецов.
За моментов на пазарот нема многу компактни таблети, кои се потпираат на „Windows“. Причината за ова беше високата цена за лиценца на платформата и потребата од сериозни спецификации. Со напредокот на развојот од страна на „Intel“ и олеснувањатаза барања за лиценцирање од „Microsoft“, компактните „Windows“ таблети почнуваат да стануваат реалност.
„HP“ исто така има сличен уред, иако е поскап за околу 80 долари. Очекувањата се дека ако првите компактни „Windows“ таблети бидат прифатени релативно добро на пазарот, тогаш нивната разновидност многу брзо ќе се зголеми.
